Posts

39. ಬಿನ್ನೆರ್ ಬನ್ನಗ

ತುಳುಟು ನುಡಿಮುತ್ತೊಂಜಿ ಉಂಡು.ಕುತ್ತಿದ ಅರಿ ಕುಂದ್ಯರ ಬಲ್ಲಿ, ಬತ್ತಿ ಬಿನ್ನೆರ್ ಬರೆಲ್ಯರ ಬಲ್ಲಿ.ಈ ಪಾತೆರೊದ ಪೊರ್ಲುನು ತೂಲೆ.ಮೂಲು, ರಡ್ಡ್ ಸಂಗತಿಲೆನು ಜೋಡಿಸಿದೆರ್ ಅಸಂಬದ್ಧರೀತಿಡ್.‘ಅರಿ ಕುಂದ್ಯರೆಲಾ ಬಲ್ಲಿ’ ಬೊಕ್ಕ ‘ಬಿನ್ನೆರ್ ಬರಲೆರೆಲಾ ಬಲ್ಲಿ’. ಮುಲ್ಪ, ಬೇತೆ ರಡ್ಡ್ ಗಾದೆಲೆನುಲಾ ನೆನೆಪೋಲಿ: ಒಂಜಿ, “(ಕ್ರಿಸ್ಮಸ್) ಪರ್ಬೊಗು ರೋಟಿ, ಪನ್ನುಣ್ಡ ಕೇಕುಲಾ ಮಳ್ಪೊಡು, ಗೋದಿಲಾ ಒರಿಯೊಡು (You cannot eat the cake and have it too)”.ರಡ್ನೆ ಗಾದೆ, “ಸರ್ಪಲಾ ತಯ್ಯೊಡು, ಕೋಲುಲಾ ತುಂಡಾವರೆ ಬಲ್ಲಿ”.ಎಂಚ ಸಾಧ್ಯ?ಆ ರಡ್ಡ್ ಗಾದೆಲೆನು ಬುಡ್ಡು ನಮ್ಮ ತುಳುತ ಗಾದೆಗು ಒಂತೆಬೊಲ್ಪು ಪಾಡ್ಗ.
ಕುತ್ತಿದ ಅರಿ, ಬತ್ತಿ ಬಿನ್ನೆರ್ ಒಂಜೆಕ್ಕೊಂಜಿ ವಿರೋಧಾರ್ಥಕ ಪಾತೆರೊ.ಜೋಕುಲೆ ಪಾತೆರೊನ?ತೆಲಿಪೆರೆ ಬರು.ಅರಿ ದಿಂಜಿದಿನ ಕುತ್ತಿ ಕಡಿಮೆಯಾವಂದೆ ಬತ್ತಿ ಬಿನ್ನೆರೆನು ಎಂಚ ಕುಶಿ ಮಳ್ಪೊಲಿ?ಆಂಡ ಈ ಪಾತೆರೊಡೊಂಜಿ ಸತ್ಯ ದೆಂಗುದುಂಡು.ಈ ವಿಪರ್ಯಾಸ್ಯದ ಸತ್ಯ ಎಂಚಿನವು?
ಕುತ್ತಿ ಇತ್ತೆದ ಜೋಕುಲೆಗು ಕುತ್ತಿ ಪನ್ನುಣ್ಡ ಎಂಚಿನ ಇಂದುದು ಗೊತ್ತುಪ್ಪಂದು.ಕುತ್ತಿ ಪನ್ನುಣ್ಡ ತಾರಿ ಮರತ ಕಂಡೆನು (ಬೊಡ್ಡುನು) ಕೂರೆವುದು ಮಲ್ತಿನ ಪಾತ್ರೆ.ದುಂಬುದ ಕಾಲೊಡು,

38. ಒಗಟುಳು – ಗೊಂಚಿಲ್-18

11.ಪರ್ಕಟ್ಟ್ ದೇವಸ್ಥಾನೊಗು ಪದಿನಾಜಿ ಬಾಕಿಲ್. 22.ಬೂರುನು, ರಾಪುಣು, ಅವೆನು ಕೊಯ್ಪೆರು, ಆಂಡ ತಿನ್ಪುಜೆರು. 33.ಏರೆಗುಲಾ ಮಿತ್ತ್ ಮಿತೆರೆರ ಆವಂದಿಮರೊನು ಕೆಂಪಣ್ಣೆ ಬೊಕ್ಕ ಕರಿಯಣ್ಣೆ ಮಾತ್ರ ಮಿತರುವೆರು. 44.ಒರ್ತಿ ತಯ್ಯ ಮುಟ್ಟ ಪೂವೇ ಮುಡಿಪುಜೊಲು, ಆಂಡ, ತಿರ್ತ್ ಮಿತ್ತ್ಆಳೆಗು ಗುಂಡುಕಾಯಿದ ಸರನೇ ಆವೊಡು ಸಿಂಗಾರೊಗು. 55.ಕಾಯಿ ದಿಂಜ, ಗೆಣಿಪೆರ ಆಪುಜಿ. ಆಂಡ ಮಿತ್ತೆರೆರ ಆವಂದಿ ಮರ, 66.ಎಂಕು ಕರುಳ್ ದಾಂತಿ ಬಂಜಿ, ನೆತ್ತರ್ ದಾಂತಿ ಮಾಸ. ಯಾನ್ ಏರ್ ಪಣ್ಲೆ ? 77.ಒಟ್ಟೆ ದಾಂತಿ ಪದ್ದೆಯಿ. 88.ಅಮ್ಮೆರೆನ ಕಾಸು ಲೆಕ್ಕ ಮಲ್ಪೆರ ಆಪುಜಿ,ಅಪ್ಪೆನ ಸೀರೆ ಮಡಿಪೆರೆ ಆಪುಜಿ. 99.ನಾಲು ಕಾರು ಉಂಡು ಮೃಗ ಅತ್ತ್

37. ಗುಟ್ಟು ತೆರಿಂಡ!

“ಗುಟ್ಟು ತೆರಿಂಡ ಪಿಲಿತ ಬೆರೆಯೆಲಾ ಪೋವಲಿಗೆ.”ಉಂದೊಂಜಿ ತುಳುತನುಡಿ.ಈಪಾತೆರೊ ನಮ್ಮ ಹಿರಿಯಕೆಳೆನ ಬಾಯಿಡ್ಡು ಬಾಯಿಗ್ಪರತ್ತೊಂದು ಬೈದಿನವು.ಮೂಲು, ಗುಟ್ಟುಗು ಒತ್ತು ಕೊರ್ತೆರು.ಅಂಚಾಂಡ. ಈ ಗುಟ್ಟುಪಣ್ದುಂಡ ಎಂಚಿನ?‘ತೆರಿಂಡ್’ ಪಣುಂಡ ‘ಗುಟ್ಟು ರಟ್ಟಾಪಿನಿ’.‘ಪಿಲಿತ ಬೆರಿ ಪೋಪಿನಿ’ ಪಂಡ ‘ಧೈರ್ಯೊಡ್ - ಆಪಿನಂಚಿನ ಅಪಾಯ ಗೊತ್ತು ಇತ್ತುದಲಾ - ಪಿಲಿತ ಪಿರ ಪಿರನೇ ಪೋಪಿನಿ’.ಮೂಲು, ಧೈರ್ಯೊಗು ಬೋಡಾಯಿನವು ರಡ್ಡ್ ವಿಷಯೊಳು:ಒಂಜಿ ಮೆಯಿತ ಬಲ, ಬೋಕ್ಕೊಂಜಿ ಬುದ್ಧಿದ ಬಲ.ನಮ್ಮ ಮೆಯಿತ ಬಲ ಪಿಲಿತ ಬಲತೆದುರುನಡಪಂದು.ಬುದ್ಧಿ ಬಲೊಕು, ನಮ ಪಿಲಿತ ನಡೆವಳಿಕೆದ ತಿಳುವಳಿಕೆನು ಸುರುಟೇ ತೆರಿಯೊನೊಡು.
ಗುಟ್ಟು ಎಂಚಿನ? ಗುಟ್ಟು ಪನ್ನುಣ್ಡ ‘ದೆಂಗುದು ಇತ್ತಿನ ಒಂಜಿ ವಿಷಯ’ (secret), ‘ಕಂಡುದು ಮಳ್ತಿನ ವಿಷಯ’ (It is a thing what is done stealthily or in secrecy). ಪನ್ನುಣ್ಡ, ಅವೊಂಜಿ ‘ರಹಸ್ಯಮಯ ಸಂಗತಿ’