46. ಒಗಟುಳು – ಗೊಂಚಿಲ್: 19

1   1.     ಮಾಡ್ ಮಿತರ್ದೆ, ಮರಕು ಬಡ್’ತಿದೆ, ಮಲ್ಲ ಬಾಯಿದಾಯೆ, ಬಾಂಗ್ ಪತ್ತುವೆ .  ದೊಂಡೆ ಬಿಚ್ಚವೆ, ಮರ್ಲೆ ಅತ್ತ್,  ಮದ್ಮೆ ಮಸಿರಿದಪಗ ಬಾರೀ  ಜೋರು.

2  2.    ಪಿದಯಿ ಪೊನಾಗ ಎನ್ನ ಕಾರ್ದ ತಿರ್ತ್ ಒರಿ, ತರೆತ ಮಿತ್ತ್ ಒರಿ.

3  3.    ಕಟ್ಟೆ ದಾಂತಿ ಕೆದು.

4  4.   ತಿತ್ತಿರಿ ಪಕ್ಕಿಗು ಸಾವಿರ ಕಣ್ಣು.

5  5.     ಮಧ್ಯಾಹ್ನ ಮುಟ್ಟ  ಎನನು ನಂಬುಲೆ,  ಮಧ್ಯಾಹ್ನೊಡ್ಡು  ಬೊಕ್ಕ ಎನನು  ನಂಬಡೆ.

* *        * *

ಉತ್ತರ:  (1) ಧ್ವನಿವರ್ಧಕ (loudspeaker) (2) ಚಪ್ಪಲಿ ಬೊಕ್ಕ ಕೊಡೆ,  (3) ಸಮುದ್ರ,

(4)  ಸೇಮಯಿ (ಸೇವಿಗೆ) ಮಲ್ಪೆರ ಉಪಯೋಗ ಮಲ್ಪುನ ಪಿತ್ತಳೆದ ಯಾ ಮಣ್ಣು ಪತ್ತಂದಿ ಕರ್ಬದ (Stainless Steel-ದ) ಅಂಡೆ,  (5) ಬಾರೆ(ಬಾಳೆ)ದ  ನಾರು – ಈ ನಾರುಡು ನೆಯಿತಿ ಪೂ ಮಧ್ಯಾಹ್ನ ಆವನಗ ಬಾಡುನು,  ಬಲ್ಲುದ  ಕಟ್ಟ್  ನುಗುತ/ಸಡಿಲ್ ಆದ್ಪೂವುಳು ತಾಳುನು.

-ನೆಯ್ತಿನಾರ್ : ಹೊಸಬೆಟ್ಟು ವಿಶ್ವನಾಥ

38. ಒಗಟುಳು – ಗೊಂಚಿಲ್-18

11.   ಪರ್ಕಟ್ಟ್ ದೇವಸ್ಥಾನೊಗು ಪದಿನಾಜಿ ಬಾಕಿಲ್. 

22.  ಬೂರುನು, ರಾಪುಣು, ಅವೆನು ಕೊಯ್ಪೆರು, ಆಂಡ ತಿನ್ಪುಜೆರು.

33.  ಏರೆಗುಲಾ ಮಿತ್ತ್ ಮಿತೆರೆರ ಆವಂದಿ  ಮರೊನು ಕೆಂಪಣ್ಣೆ ಬೊಕ್ಕ ಕರಿಯಣ್ಣೆ ಮಾತ್ರ ಮಿತರುವೆರು.

44.   ಒರ್ತಿ ತಯ್ಯ ಮುಟ್ಟ ಪೂವೇ ಮುಡಿಪುಜೊಲು, ಆಂಡ, ತಿರ್ತ್ ಮಿತ್ತ್  ಆಳೆಗು ಗುಂಡುಕಾಯಿದ ಸರನೇ ಆವೊಡು ಸಿಂಗಾರೊಗು.

55.   ಕಾಯಿ ದಿಂಜ, ಗೆಣಿಪೆರ ಆಪುಜಿ. ಆಂಡ ಮಿತ್ತೆರೆರ ಆವಂದಿ ಮರ,

66.   ಎಂಕು ಕರುಳ್ ದಾಂತಿ ಬಂಜಿ, ನೆತ್ತರ್ ದಾಂತಿ ಮಾಸ. ಯಾನ್ ಏರ್ ಪಣ್ಲೆ ?  

77.    ಒಟ್ಟೆ ದಾಂತಿ ಪದ್ದೆಯಿ.

88.   ಅಮ್ಮೆರೆನ ಕಾಸು ಲೆಕ್ಕ ಮಲ್ಪೆರ ಆಪುಜಿ,  ಅಪ್ಪೆನ  ಸೀರೆ ಮಡಿಪೆರೆ ಆಪುಜಿ.

99.   ನಾಲು ಕಾರು ಉಂಡು ಮೃಗ ಅತ್ತ್, ಪಾರುವೆ ಆಂಡ ಪಕ್ಕಿಯತ್ತ್, ಜೋಕುಲುಳು ಪನ್ನುಣ್ಡ ಎಂಕು ದಿಂಜ  ಇಷ್ಟ.  ಯಾನ್ ಏರ್?

110. ಅಂಕು ಡೊಂಕುದ ಮರ.  ತುಚ್ಚಿನಕೆಲ ಬಾಯಿಗ್ ಪಡ್ಕೆ ಮಯ್ಪುನ ಮರ.

ಉತ್ತರ:  (1) ಬೆಜಕಿರೆ ದಿಂಜಾವುನ ನೇಲ್ಯ ಬುಟ್ಟಿ.  It is a basket-like structure made of rattan (ಬೂರು) or coconut leaves.  Once upon a time, dried leaves were used as firing-fuel in country-side havens. ಉಂದೆನು ಬಿಜಕೈ ತೊಟ್ಟೆ ಇಂದುದುಲಾ  ಲೆಪ್ಪುವೆರು. ಇಂಚಿನ ಬುಟ್ಟಿ ಇತ್ತೆ ತೂವೆರೆ ತಿಕ್ಕಂದು.  ದಾಯೆಗು ಪನ್ನಗ ಇತ್ತೆ ಇಂಧನದ ಅನಿಲೊನು ಉಪಯೋಗ ಮಲ್ಪುನ ದಿಕ್ಕೆಳು ಬಯಿದಿನು. (2) ಕುಜಲು. ಇತ್ತೆ, ಜನಕುಳು ತರೆಕುಜಲುನು ಪರಕೆ ರೂಪೊಡು ಕೊರ್ಪೆರು ಕೆಲವು ದೇವಸ್ಥಾನೋಲೆಡು.  ಆಯಿಟಿದ್ದು. ಪ್ರೋಟೀನ್ (Protein) ಪೋಷಕ ಅಂಶೋನು  ದೆಪ್ಪುವೆರು. (3) ಪಿಜಿನುಳು, (4) ಆರ್ತಿಕಾಯಿದ ಮರ, (5) ರಾಗಿದ ತೈ, (6) ಎಟ್ಟಿ, prawns/shrimp, (7) ಕುಂಕುಮ ಬೊಟ್ಟು, (8) ನಕ್ಷತ್ರೊಳು ಬೊಕ್ಕ ಬಾನ, (9) ತೊಟ್ಟಿಲು, (10) ಕರುಂಬು, sugarcane.

ನೆಯ್ತಿನಾರ್:  ಹೊಸಬೆಟ್ಟು ವಿಶ್ವನಾಥ, ಪುಣೆ

35. ಒಗಟುಳು – ಗೊಂಚಿಲ್ 17 – ಬಿರ್ಸೆರೆಗ್

1.     1. ಬಿತ್ತುನ ಬಿತ್ತ್  ಅತ್ತ್ , ಪತ್ತುನ ಬೆತ್ತೊ ಅತ್ತ್, ತೂಯರೆ ಬೆತ್ತೊ, ನಡುಪುನ  ಬಿತ್ತ್ .

2.    2. ಬಿತ್ತ್ ಬಿತ್ತ್  ಪತ್ತಿ  ಪರಂದ್ ,  ತೊಟ್ಟು,  ಚೂಲಿ  ದಾಂತಿ  ಪರಂದ್,  ಮರಟ್  ಬುಲೆವಂದಿ  ಪರಂದ್.

3.    3. ತೈತಿ ಎರು ಮುಕ್ಕುರಡಕ್ಕುಂಡು. 

4.    4. ಕುದ್ಯ   ಮರಟ್  ಉದ್ದ  ಸಂನ್ಯಾಸಿ. 

5.    5. ಕಲ್ಲ್ ಡು  ಕಡೆಯಿ   ಬಂದ  ಅತ್ತ್ ,  ಓಡುಡು  ಪತ್ತಾಯಿ  ರೊಟ್ಟಿ  ಅತ್ತ್ .

(ಉತ್ತರ:  1.ಕರುಂಬು, 2.ಲಾಡು, 3.Dead buffalo grunts =  drum = ಡೋಲು, 4. ಕೆಂಪು ಮುಂಚಿ, 5.ಅಂಬಿ ಬೊಕ್ಕ ಅವೆನು ತಟ್ಟುದ್ ದಿಕ್ಕೆಲಿಡ್ ಉರಿಪೆರ ಮಲ್ತಿನ ಬೆರಣಿ)

-     -  ಹೊಸಬೆಟ್ಟು ವಿಶ್ವನಾಥ, ಪುಣೆ

32. ಒಗಟುಲು – ಗೊಂಚಿಲ್ 16 – ಬಿರ್ಸೆರೆಗು

ಈ ಅಂಕೋಡ್ಡು, ಒಗಟುಲೆನ ಸರೊನು  ಬೇತೆನೆ ಕಟ್ಟೋಂದುಳ್ಳೆ.  ಸುರುಟು ಪಂತಿನಂಚ,  ಒಗಟುಳು  ಪನ್ನುಣ್ಡ, ನರಮಾಣಿ ತನ್ನ ಬದುಕುಡು ಬರ್ಪಿನ ವಿಸಯೊಣು ಯಾ ತೂಯಿನ, ತೆರಿನ ಸಂಗತಿಲೆನು ಸ್ವಾರಸ್ಯವಾದು, ರಹಸ್ಯಮಯವಾದು ಪದ್ಯ ಅಥವಾ ಗದ್ಯೊಡು  ಪಣ್ಪಿಣಿ.  ಕೇಣಿನಾಯಿ ಉತ್ತರ ಕೊರೋಡಾಂಡ,  ತರೆನು ಒಂತೆ  ಕೆರೆಪೊಡಾವು.  ಬಡ್ಡಾದಿತ್ತಿನ  ಆಯೆನ ತರೆ ಚುರುಕು ಅಪುಣು.  ಅಪಗ ಬೊಂಡುದ ಆರೋಗ್ಯ ಎಡ್ಡೆ ಆಪುಣು. ಬೊಕ್ಕ ನೆನೆಪು ಶಕ್ತಿಲಾ ಹೆಚ್ಚಾಪುನು.  ಪದಬಂಧ  ಚೌಕೊಡು, ಒಗಟುಡು ಪಣ್ತಿನ ಪಾತೆರೊಡು  ದೆಂಗುದು ಕುಳ್ಡಿನ  ಪದೊನು ನಾಡ್ಡು ಪತ್ತುದು ಚೌಕೊನು  ದಿಂಜಾವುನಲಾ ಒಂಜಿ ಮಲ್ಲ ಮಿದುಳುಗು ಕಸರತ್ತು  ಕೊರ್ಪಿನ ಆಟ.  ಮೆದುಳುದ ರಡ್ಡ್  ಬರಿಲಾ ಸರಿ ಕೆಲಸ ಮಲ್ಪುನು.  ಅಪಗ  ಶರೀರದ ಸಮತೋಲನ ಶಕ್ತಿ  ಎಡ್ಡೆ  ಒರಿನಿಂದು  ತೆರಿದನಕುಳು  ಪಣ್ಪೆರ್.

ನನ, ಪ್ರತಿ ಗಾದೆದ ಮಿತ್ತುದ  ಅರ್ಥೊಣು ಅಪಗಪಗ  ಬೇತೆನೇ  ಕೊರ್ಪೆ.  ಓದಿನಕುಳು ಆಯಿತ  ಮಿತ್ತ್ ಒಕ್ಕಣೆ  ಕೊರಿಯೆರಾಂಡ, ಎಂಕುಳು  ಬರೆತಿನ ಸಾರ್ಥಕವಾವು.

1.  ಚುಂಯ್ ಚುಂಯ್ ಪಕ್ಕಿಗು ನೂದು ಕಣ್ಣುಳು.

2.  ಪತ್ತುಣ್ಡ  ಮುಷ್ಟಿ,  ಬುಡುಂಡ ಕೋಟೆ.

3.  ದಿಂಜಿದಿನ  ಕೊಡಪಾನೊಗು ಬಾಯಿ ಇಜ್ಜಿ.

4.  ಲಾಗಿಯೆಡ  ಹನುಮಂತೆ,  ಕುಳ್ಳಿಯೆಡ  ಮುನಿ, ಕಲ್ಕಿಯೆಡ ರಾವಣೆ ವಾ ಕಾಡುದ ರಾಜೆ.  ಯಾನು ಏರ್?

5.  ಕಪ್ಪುಂಡು  ಕಸ್ತೂರಿ ಅತ್ತ್,  ನೀರುಂಡು ಗುವೆಲ್ ಅತ್ತ್,  ರೆಕ್ಕೆಳು ಉಂಡು ಪಕ್ಕಿಯತ್ತ್.  ಯಾನ್ ಏರ್?

6.  ಪೊಗ್ಗನಗ ಒಂಜಿ ಆದ್, ಪಿದಯಿ ಬಣ್ಣಗ ನೂದು ಆದು.

7.  ಗೂಡುಡಿತ್ತಿ  ಪಕ್ಕಿ  ಊರು ಪೂರಲಾ ತೂಪುನು.

8.  ಒಂಜಿ ಕಾಸುದ  ಕುದುರೆಗೂ  ಬೀಲೊಡು ಲಗಾಮು.

9.  ಇರೆ ಇಜ್ಜಿ, ಸುಣ್ಣ ಇಜ್ಜಿ,  ಬಿಮ್ಮ ಕೆಂಪುಂಡು.  ಬರ್ಸ ಇಜ್ಜಿ, ಬುಳೆ ಇಜ್ಜಿ,  ಮೆಯಿ ಪಚ್ಚೆ ಆತುನು.

10. ಸುತ್ತಲಾ  ಸುಣ್ಣದ ಗೋಡೆ,  ಒಲ್ಪ ತೂಂಡಲಾ ಬಾಕಿಲಿಜ್ಜಿ.

11.  ಇಲ್ಲು ಒಂಜಿ, ರಡ್ಡ್  ಬಾಕಿಲ್, ಮುಚ್ಚಿಂಡ ಕೇಡು.

12.  ಪದರಾಡು ಜನ ಪಂಕ್ತಿಡ್ ಕುಳ್ಳುದೆರ್, ರಡ್ಡ್ ಜನ ಬಲಸುವೆರು, ಒರಿ  ಒರಿಯೊಗು ಬಲಸನಗ, ಬೊಕ್ಕೋರಿ ಪದರಾಡ್ ಜನಕುಳಾ ಬಲಸುವೆ.

13.  ಒಂಜಿ ರುಮಾಲು, ಏರೆಗುಲಾ ಸುತ್ತೆರೆ ಆಪುಜಿ.

14.  ಸಾಗರ ಪುತ್ರೆ, ಸಾರುದ ಮಿತ್ರೆ.

15.  ಬೊಳ್ದು ಸಿಪಾಯಿಗ್  ಕಪ್ಪು ಟೊಪ್ಪಿ.

ಉತ್ತರ

1.  ದೋಸೆ,  2. ಬೀಸನದ ಬಲೆ, 3.  ಕೋರಿದ ತೆತ್ತಿ, 4. ಕಪ್ಪೆ,  5.  ಕಣ್ಣು,  6.  ಸೇಮಯಿದ ಅಡ್ಡೆ,  7.  ಕಣ್ಣು,  8.  ಸೂಜಿ ದಾರ,  9.  ಗಿಳಿ, 10. ತೆತ್ತಿ.  11. ಮೂಕು, 12. ಗಡಿಯಾರ,  13, ಸಾದಿ,14. ಉಪ್ಪು. 15. ತೂತಪೆಟ್ಟಿಗೆದ ಕಡ್ಡಿ

ನೆಯ್ತಿನಾರ್:  ಹೊಸಬೆಟ್ಟು ವಿಶ್ವನಾಥ್, ಪುಣೆ

9. ಒಗಟುಲಾ ಗಾದೆಲಾ – ಗೊಂಚಿಲ್ - 4

1.ಅಮ್ಮೆ ಆಕಾಶೋಗ್, ಅಪ್ಪೆ ಪಾತಾಳೊಗು, ಮಗೆ ಪೇಂಟೆಗ್, ಮಗಳು ಮದ್ಮೆಗ್ ಪೋಯೆರ್ಗ್ಯಾ

ಬಜ್ಜೆಯಿದ ಮರ ಎಂಚ ಬುಳೆವುನು, ಎಂಚ್ ಗಟ್ಟಿಯಾದ್ ಉಂತುನು, ಎಂಚ ಪೂವಾಂಡು ಬೊಕ್ಕ ಎಂಚ ಕಾಯಿ ಆಂಡ್ ಇಂದುದು ತೆರಿಪಾವುನು ಈ ಒಗಟು:

-       ಅಮ್ಮೆ(Father) ಆಕಾಶೊಗ್:  ಆಕಾಶೊಗ್ ಮುಟ್ಟುನಂಚಬುಲೆವುದಿನ ಕಂಗುದ ಮರದ ಕೊಡಿ.

-       ಅಪ್ಪೆ(Mother)ಪಾತಾಳೊಗ್:  ಕಂಗುದ ಬುಡ/ಬೇರ್ನೆಲದಡಿಕ್ ಬಾರಿ ದೂರ ಪೋಪುನು. ಆಯಿತ್ದಾತ್ರ ಅವು ಏತ್ ಜೋರು ಗಾಳಿ ಬೀಜಿಂಡುಲಾ ಮಾಲುನತ್ತಂದೆ ಮಗುರಂದ್.

-       ಮಗೆ ಪೆಂಟೆಗ್: ಬುಲೇದಿನ ಬಜ್ಜೆಯಿ ಮಗೆ, ಮಾರರೆರಾದು ಸಂತೆಗ್ ಪೋಪಿಣಿ.

-       ಮಗಳು ಮದ್ಮೆಗ್: ಮದ್ಮೆಡ್ ಪಿಂಗಾರದ ಪೂ ಮದುಮಗಳೆಗ್ ಆವೊಡೇ. ಅಂಚನೆ ದೈವ-ದೇವೆರೆನ ಪೂಜೆಗುಲಾಅವೋಡ್.

ಇಂಚ ಉಂದೊಂಜಿ ಕಂಗುದ ಮರದ ಪರಿಚಯ ಕೊರ್ಪಿನ ಒಗಟು. ಅವೊಂಜಿ ಸಪೂರಾದು ಎತ್ತರೊಗು ಬುಳೆದು,ದೇವರ್ನ, ಪೊಂಜೊಕುಲೆನ ಅಲಂಕಾರೊಗ್ ಪಿಂಗಾರ ಪೂ ಕೊರ್ಪಿನ , ಕಾಯಿ ಬುಳೆದ್ ಬಜ್ಜೆಯಿ ಆದ್,ತೋಟಮಲ್ತಿನಾಯಗ್ ಕಾಸು ಕೊರ್ಪಿನ ಬುಳೆ.

2.ಮರಬೂರುಂಡ್, ಪಕ್ಕಿ ಪಾರುಂಡ್

ಕಂಡನಿ ತೈತಿ ಬೊಕ್ಕ, ಆಯೆನ ಬುಡೆದಿ ಜೋಕುಳೆನು ಪತ್ತೊಂದು ಅಪ್ಪೆ ಇಲ್ಲಗು ಪೋಪಿನೆನುಪಂಪಿನ ಒಗಟು.  ಉಂದು ತುಳು ನಾಡುದ ಅಳಿಯ ಸಂತಾನಕಟ್ಟುಡ್ಪೊಣ್ಣ ಹಕ್ಕುದಸಾಮಾನ್ಯರೂಢಿ. ಕಾಲೋಗ್ ತಕ್ಕ ಬದಲಾವಣೆ ಆತುಂಡಲಾಇತ್ತೆಲಾ ಆಚರಣೆಡ್ ಒರಿದಿನು. (Read Post-311/30.01.2013: Reflections on a Tulu Proverb ‘On falling of a tree..’ in our Tulu Studies Blog).

3.ಪಾತೆರ ಪೂ, ಮನಸ್ಸು ತೂ

ಬಾಯಿಡ್ ಬಸಪ್ಪೆ (ಶಿವನಾಮ ಪನ್ಪಿಣಿನಾಯಿ ಆಂಡಲಾ), ಬಂಜಿಡ್ ವಿಷಪ್ಪೆ (ವಿಸದ ನಾಗೆ ಪಂಡುಂಡ ಬಂಜಿಡು ಮತ್ಸರ ದಿಂಜಿದಿನಾಯಿ)  ಪಂಪಿ ಗಾದೆದಂಚ, ಎದುರುಡ್ ಎಡ್ಡೆ ಪಂಪಿಣಿ, ಬಂಜಿ ದಿಂಜ  ಅಯ್ಯಳ ಮತ್ಸರ.

4.ಪಾತೆರದೊಟ್ಟುಗ್ ಗಾದೆ, ವಣಸ್ದೊಟ್ಟುಗು ಉಪ್ಪಡ್

ಗಾದೆ ಕೇಣನಗಎಡ್ಡೆಲಾ, ಪಾತೆರದ ಅರ್ಥ ಎಚ್ಚಲಾಅಪುನು.ನುಪ್ಪುದೊಟ್ಟುಗು ಉಪ್ಪಡ್ನಾಲಯಿಗುನೆಕ್ಕಾವುಂಡ ನುಪ್ಪು ಕೂಡಲ ರುಚಿಯಾಪುಂಡು.

5.ತೂವಂದೆ  ಪಾತೆರಿಯರ ಬಲ್ಲಿ, ಕೇಣಂದೆ ಪಣಿಯೆರ ಬಲ್ಲಿ

ಒಂಜಿ ಪಾತೆರ ವಾ ಸಂಗತಿ  ಆವನಗ ಸಾಕ್ಸಿಯಾದ್ ಇತ್ತರರ್ಡ್ಡ,  ಅಗತ್ಯ ಬೂರುಂಡ ಮಾತ್ರ ಪಾತೇರ್ಲೆ.  ವಿಸಯದ ಸಂದರ್ಬ ತೂತಿಜಿಡ,  ಎಂಚಿನ ಪಾತೆರ ಇಂದು ಕೇಣುದಿಜಿಡ, ನಮ ಆದ್ ನಡುಕ್ ಬಾಯಿ ಪಾಡೆರೆ ಬಲ್ಲಿ. ಅಪಗ ಅಪಾಯ ಅಥವಾ ತಪ್ಪು ತಿಳುವಳಿಕೆ ಉಂಡಾಪುಣು.

6.ಪತ್ತ್ ಕೂಡ್ಡಿನ ಕಳೋಟು ಮುತ್ತು ಉಂಡು ವಾ ಪತ್ತ್ ಇತ್ತಿನಲ್ಪ ಮುತ್ತು ಉಂಡು

ಪತ್ತ್ ಜನ ಕೂಡ್ಡಿನ ಸಭೆಟ್ ಮುತ್ತು ಉಂಡು ಪನ್ನಗ ಮುತ್ತುದಂಚಿನ ವಿಚಾರೊಲು ಮೂಡ್ಡು ಬರ್ಪ. ಅಪಗ ಮಾತೆರೆಗ್ಲಾ ಎಡ್ಡೆ ಆಪಿನಂಚ  ನಿರ್ಧಾರ ದೇತೊನೆರ ಅನುಕೂಲ ಅಪುನು.

7.ಪತ್ತ್ ಬೆರೆಲ್ ಪಂದುಂಡ ಆಯಿನ್ ಬೆರೆಲ್ ಬಾಯಿಗ್ ಪೋವು

ಮಾತೆರ್ಲಾ ಒಟ್ಟು ಕೂಡ್ಡು ಕಷ್ಟ ಬತ್ತುದ್ ಕೆಲಸ ಮಲ್ತಿಂಡ, ಎಡ್ಡೆ ಫಲ ತಿಕ್ಕು. ಮಾತೆರೆಗುಲಾಒಣಸುಗ್ ತತ್ತಾರಾವಂದ್.

8.ನೀರ್ ಇತ್ತಿಂಡ್ಡ ಊರ್, ಪೊಂಜೋವು ಇತ್ತಿಂಡ ಇಲ್ಲ್

ನಂಕ್ಮಾತೆರೆಗುಲಾ ನೀರ್ಅಗತ್ಯವಾತಿನ ಬೆಲೆದಾಂತಿನವಸ್ತು.  ನೀರ್ಇಜ್ಜಿಡ ಊರ್ಬುಡೊಡಾವು.ಇತ್ತೆ          ನೀರುದ ಕೊರತೆ ಒಂಜಿಮಲ್ಲ ಸಮಸ್ಯೆ ಆತುನು ದೇಶದೇಶೊಡ್. ಪೊಣ್ಣನು ಇಲ್ಲುದ ಲಕ್ಷ್ಮಿ, ಬೋಲ್ಪುಇಂದುದು ಪಣಿಪೆರ್. ಪೊಣ್ಳು ಇಜ್ಜಿಡ ಬೋಲ್ಪುದಾಂತಿ ಇಲ್ಲದಂಚ.

9.ಪೂ ಕಟ್ಟುನ ಬಲ್ಲ್ ಎರು ಕಟ್ಟೆರ ಆವಂದ್              

ಪೂ ಮಾಲೆ ಕಟ್ಟೆರ ಅಪಿನ ಬಲ್ಲುಡ್ ಪೂವೆ ಕಟ್ಟೊಡು,ಬೇತೆ ಭಾರದ ವಸ್ತು ಅಥವಾ ಬಲತ ಪ್ರಾಣಿಲೆನು ಕಟ್ಟೆರಾವಂದ್.ಪುದುರ್ ಒಂಜೆ ಅಂಡಲ,ಬಲ್ಲು ಬಲ್ಲುಗು ವ್ಯತ್ಯಾಸ ಉಂಡು.ಪೂ ಬಲ್ಲು ಸಪುರ,ಎರು ಕಟ್ಟುನ ಬಲ್ಲು ತೋರ. ಉಂದುಬಲ್ಲುದ ತಾರತಮ್ಯೊಡ್ ಇಪ್ಪುನ ಬಲತ ಗುರ್ತು. (ಆತ್ಮ ಆತ್ಮೊಗು ಪಂಚಬೇಧ ಇತ್ತಿನಂಚ).

10.ಮರಿಯಾಲದ ದೊಂಬುಲಾ, ತೆಲಿಕೇದಾಯನ ಪಾತೆರಲಾ ಓಂಜೇ

ಒಂತೆ ಸಮಯದ ಮರಿಯಾಲದದೊಂಬುನ್ ನಂಬುದ್ ಪಿದಾಯಿದ ಒವ್ವುಲಾ ಕೆಲಸ ಮಲ್ಪೆರಾವಂದ್.  ಅಂಚೆನೇ ತೆಲಿಕೆಡ್ ಪಾತೆರುನಾಯನ ಪಾತೆರೊನು ನಮ ನಂಬುಂಡ ಪೊಸ ಪೋವ.

ಪೂಪೆಜ್ಜಿದು  ಕಟ್ಟಿದಿನಾರ್:   

ಹೊಸಬೆಟ್ಟು  ವಿಶ್ವನಾಥ್,  ಪುಣೆ

Font : Arial Unicode MS