(ಸ್ವಿಟ್ಝರ್‍ಲ್ಯಾಂಡ್,
Switzerland, Confederatio Helevtica, CH).
ಯುರೋಪ್ ಖಂಡದ ಕೇಂದ್ರ ಭಾಗೊಡು, ಗಿರಿಪರ‍್ವತೊಲು,
ಸುದೆಕುಲು ಮಲ್ಲ ಮಲ್ಲ ಕೆದುಕೆಲು ಕೂಡ್ದಿನ, ಪಚ್ಚ ಪರಿಸರೊತ ನಡುಟು ಉಪ್ಪುನ, ಅಂಚನೆ ಪ್ರಪಂಚದ
ಸಮಶೀತೋಷ್ಣ ವಲಯೊಗು ಸೇರ‍್ದಿನ, ಒಂಜಿ ಎಲ್ಯ ದೇಶ: ಸ್ವಿಟ್ಸರ್’ಲ್ಯಾಂಡ್. ಪ್ರಬಲವಾದ್ ಬುಳೆತಿನ
ವಿಶಿಷ್ಟ ಬ್ಯಾಂಕಿಂಗ್ ಉದ್ಯಮದ ಕಾರಣವಾದ್ ಅಂಚನೆ
ಸ್ವಛ್ಚವಾಯಿನ ಆರ್ಥಿಕ ನಿರ‍್ವಹಣೆಡ್ ಜಗತ್ತ್’ಡ್ ಮುಂಚೂಣಿಡ್ ಉಪ್ಪುನ ದೇಶ. ಸ್ವಿಟ್ಸರ್’ಲ್ಯಾಂಡ್
ದೇಶದ ಒಟ್ಟು ವಿಸ್ತೀರ್ಣ ಚದರ ಕಿಲೊಮೀಟರುಲು.
ಅಂಚನೆ, ಸ್ವಿಟ್ಸರ್’ಲ್ಯಾಂಡ್ ದೇಶ ಊಂಚಿದ ಕೈಗಡಿಯಾರ
(ವಾಚ್) ಬೊಕ ಚಾಕಲೇಟ್ ಉದ್ಯಮೊಲೆಗ್ ಜಾಗತಿಕ ಮನ್ನಣೆ ಪಡೊವೊಂದುಂಡು.
 |
| ಸ್ವಿಟ್ಸರ್'ಲ್ಯಾಂಡ್ ಗ್ರಾಮಿಣ ದೃಶ್ಯ - ಪ್ರವಾಸಿ ರೈಲುಡು ಪೋನಾಗ |
ವಿಸ್ತೀರ್ಣ
ಬೊಕ ಜನಸಂಖ್ಯೆ
ಸ್ವಿಟ್ಸರ್’ಲ್ಯಾಂಡ್ ದೇಶದ ಒಟ್ಟು ವಿಸ್ತೀರ್ಣ
41,285 ಚದರ ಕಿಲೊಮೀಟರುಲು. ಅಯಿಟ್ ಸುದೆ-ಕೆದು-ಗಿರಿಕುಲೆನ್ ಬುಡುಂಡ ನೆಲ ಭಾಗದ ವಿಸ್ತೀರ್ಣ 39,516
ಚದರ ಕಿಲೊಮೀಟರುಲು. ಜನಸಂಖ್ಯೆ 85.4 ಲಕ್ಷ (8.54 ಮಿಲಿಯನ್) : 2018ನೆ ಇಸವಿದ ಅಂದಾಜಿ.
 |
| ಚಾಕಲೇಟ್ ಮಲ್ಪುನ ಯಂತ್ರೊದ ಮಾದರಿ- ಯುಂಗ್'ಪ್ರೋ ಶಿಖರದ ಮಿತ್ತ'ದ ಮೂಸಿಯಂ ದ ುಲಾಯಿ |
ಭೌಗೋಳಿಕ
ವಿಶೇಷೊಲು
ಸ್ವಿಟ್ಸರ್’ಲ್ಯಾಂಡ್ ದೇಶದ 20% ಭಾಗ
ಆಲ್ಪ್’ಸ್ ಇನ್ಪಿನ ಪರ್ವತ ಶ್ರೇಣಿಡ್ ಮುಚ್ಚಿದ್ ಪೋತುಂಡು. ಆಲ್ಪ್’ಸ್ ಪರ್ವತ
ಶ್ರೇಣಿ ಹಿಮಾಲಯ ಪರ್ವತ ಶ್ರೇಣಿದ ಪಡ್ಡಾಯಿ ದಿಕ್ಕ್’ಡ್ ದುಂಬರಿಯಿನ ಭಾಗೊ. ಆಲ್ಪ್’ಸ್ ಪರ್ವತ ಶ್ರೇಣಿಡ್ ಸರಾಸರಿ ಸಮುದ್ರ ಮಟ್ಟೊರ್ದು 4000 ಮೀಟರುರ್ದು ಎಚ್ಚ ಎತ್ತರ ಉಪ್ಪುನ ಕನಿಷ್ಟ 100 ಪರ್ವತ ಶಿಖರೊಲು ಉಲ್ಲಾ. ಆಲ್ಪ್’ಸ್ ಪರ್ವತೊಲೆರ್ದ್
ಪ್ರಸ್ಥ ಭೂಮಿಗ್ ಪರತೊಂದು ಬರ್ಪಿನ ಸುದೆಕುಲು ಅಲ್ಪಲ್ಪ
ಕಟ್ದ್ ಪಾಡ್ದಿಲೆಕ್ಕ ಆದಿತ್ತದ್ ಪೊರ‍್ಲುದ ಕೆದುಕುಲಾದ್ ಸ್ವಿಟ್ಸರ್’ಲ್ಯಾಂಡ್ ದೇಶದ ಅಮೂಲ್ಯ ಜಲಮೂಲೊಲಾದ್ ಉಲ್ಲಾ.
 |
| ಯುಂಗ್'ಪ್ರೋ ಪರ್ವತೊದ ಸಾದಿಡ್ ಹಿಮ ಮುಚಿದಿನ ಗುಡ್ಡೆಲು, ಹಿಮಸುದೆ |
ಆಲ್ಪ್’ಸ್ ಪರ್ವತ ಶ್ರೇಣಿ ಅತ್ತಾಂದೆ, ಸ್ವಿಟ್ಸರ್’ಲ್ಯಾಂಡ್ ದೇಶದ ಕೆಲವು ಭಾಗೊಲೆಡ್ ಜೂರಾ ಪರ್ವತೊಲುಲಾ ತೋಜಿದ್ ಬರ್ಪಾ.
ಸ್ವಿಟ್ಸರ್’ಲ್ಯಾಂಡ್ ದೇಶದ ಅತಿ ಎತ್ತರದ ಬಿಂದು
ಮಾಂಟೆ ರೋಸಾ (Monte Rosa) ಪರ್ವತ ಶಿಖರ: ಸಮುದ್ರ ಮಟ್ಟೊರ್ದು 4634 ಮೀಟರ್ ಎತ್ತರೊಡು ಉಂಡು. ಅಂಚನೆ ಅತಿ ತಿರ್ತ್’ದ
(ತಗ್ಗ್‘ದ) ಬಿಂದು ಮೆಗ್ಗಿಯೋರೆ ಕೆದು (Lake Maggiore); ಸಮುದ್ರ ಮಟ್ಟೊರ್ದು 193 ಮೀಟರ್ ಎತ್ತರೊಡು ಉಂಡು.
 |
| ಯುಂಗ್'ಪ್ರೋ ಪರ್ವತದ ಕೊಡಿಟ್ ಹಿಮಶಿಖರದ ಮಿತ್ತ್ ತುಳುನಾಡುದ ಪ್ರವಾಸಿಲು |
ಸ್ವಿಟ್ಸರ್’ಲ್ಯಾಂಡ್ ದೇಶದ ಪರ‍್ಯಾಯ ನಾಮ “ಕಾನ್ಫೆಡೊರೇಶಿಯೊ
ಹೆಲ್ವೆಟಿಕಾ” ಇನ್ನಗ ಹೆಲ್ವೆಟಿಕಾ ಒಕ್ಕೂಟೊಲು ಇಂದ್ ಅರ್ಥ. “ಹೆಲ್ವೆಟಿಕಾ” ಇನ್ಪಿನವು ಸ್ವಿಟ್ಸರ್’ಲ್ಯಾಂಡ್
ದೇಶದ ಲ್ಯಾಟೀನ್ ಭಾಷೆದ ಪುರಾತನ ಪುದರ್. ಕಾನ್ಫೆಡೊರೇಶಿಯೊ ಹೆಲ್ವೆಟಿಕಾ (CH) ಇನ್ಪಿನೆನೆ ದೇಶದ
ಅಧಿಕೃತ ಪುದರಾದ್ ಬಳಕೆ ಮಲ್ತೊಂದು ಉಲ್ಲೆರ್. ಆಯಿನೆಡ್ದಾವರಾ, ಈ ದೇಶದ ಅಂತರಜಾಲದ ಸಂಕೇತ : .CH.
ಅಂಚನೆ ದೇಶದ ಪಣವು ಸ್ವಿಸ್ ಫ್ರಾಂಕ್ದ ಸಂಕೇತ ಕೂಡಾ: CHF.
ಸ್ವಿಟ್ಸರ್’ಲ್ಯಾಂಡ್ ದೇಶದ ಅಂತರಾಷ್ಟ್ರೀಯ ದೂರವಾಣಿ
ಕರೆ ಸಂಕೇತ (ಡಯಲಿಂಗ್ ಕೋಡ್) +41 ಆದುಂಡು.
ಕೇಂಟೋನುಲು
26 ರಾಜ್ಯೊಲು ಅಯಿಕುಲೆಗ್
ಪ್ರತ್ಯೇಕವಾಯಿನ ರಾಜ್ಯ ಮಟ್ಟದ ಬಾವುಟೊಲು ಅಂಚನೆ ಸ್ವತಂತ್ರ ಆಡಳಿತ ಉಂಡು.
ರಾಜಧಾನಿ
 |
| ರಾಜದಾನಿ ಬೆರ್ನ್- ಪಾರ್ಲಿಮೆಂಟ್- ಕಾನ್ಪಿಡರೇಶಿಯೊ ಹೆಲ್ವೆಟಿಕಾ ದ ಕಟ್ಟೋಣ |
ಸ್ವಿಟ್ಸರ್’ಲ್ಯಾಂಡ್ ಒಕ್ಕೂಟದ ರಾಜಧಾನಿ ಬೆರ್ನೆ.
ಮುಖ್ಯಪಟ್ಟಣೊಲು
ಜ್ಯೂರಿಕ್, ಜಿನೇವಾ, ಬೆರ್ನ್, ಬಾಸೆಲ್ ಇತ್ಯಾದಿಲು.
ನನಾತ್ ವಿವರೊಲು ಚಿತ್ರೊಲು ದುಂಬುದ ಸಂಚಿಕೆಲೆಡ್... |
| ಯುಂಗ್'ಪ್ರೋ ಪರ್ವತೊದ ಕೊಡಿತ ಮಾಲ್ ಡ್ - ಬಾಲಿವುಡ್ ರೆಸ್ಟೋರಂಟ್ |
- ರವಿ ಮುಂಡ್ಕೂರು
