1. ಪೆದ್ದ್
ಪೆದ್ದುದು ಉದ್ದ ಬಳಪುವಲ್ ಪದ್ದಕ್ಕೆ. ??
2. ಮೀಸೆ ಒಯ್ಪುವೆ ಮುಗಡಣ್ಣೆ, ಮುಂಡಾಸ್ ಕಟ್ಟುವೆ ಮೊರಂಟಣ್ಣೆ. ??
3. ದಿಂಜಿದಿನ ಸಾಲು ಕೆದುಕುಳು. ಬಂಗಾರ್ದ ಕೊಕ್ಕುದ ಪಕ್ಕಿಲು ಕುಳ್ದು ನೀರ್ ಬಚ್ಚಾಯೆರು. ??
4. ಸಪೂರದ ಮದುಮಳು
ಪೊಣ್ಣು. ಮಿಂಚುದಂಚ ಪಳ ಪಳ
ಮೆಯಿತಾಳ್. ಉದ್ದದ ಸೀರೆ ತುತ್ತುವೊಳು. ತುತ್ತಾವೆರ ಬುಡುಪೊಜುಳು. ತಕ ತಕ
ಪಂದುವೊಳು. ಕಟ ತೆಲಿಪುವೊಳು. ಕಣ್ಣುಡು ನೀರ್
ಬರ್ಪಾವೊಳು. ??
5. ಪಲ್ಲಕಿ ಕೆಂಪು.
ಆಯಿತ ದಂಡೆ ಪಚ್ಚೆ. ಪಲ್ಲಕಿದುಳಯಿ
ಕುಳ್ದೆರು ತರೆ ತಾಲ್ದಿ ಮುಂಡೆ ಸೂಳೆಳು. ಸರ ಸರಸುರು ಸುರು ಪಾತೆರುವೆರು. ??
ಉತ್ತರ; 1. ಕಂಗು, (2) ಚಪ್ಪೆ
ನೀರುದುಪ್ಪಿ ಮುಗುಡು ಬೊಕ್ಕ ಮೊರಂಟೆ
ಮೀನುಳು. ಮುಗುಡುಗು ಮೀಸೆ ಉಂಡು. ಮೊರಂಟೆದ ಮಂಡೆ ಮುಂಡಾಸುದಂಚ ಮಲ್ಲ, (3) ಲಕ್ಷ ದೀಪೋತ್ಸವದ ಸಮಯದ ತಿಬಿಲೆ-ಬತ್ತಿಲು, (4)
ಸೂಜಿಲಾ, ನೂಲುಲಾ ಬೊಕ್ಕ ಸೂಜಿಗು ನೂಲು ಪಾಡುನಕುಲು, (5) ನುಂಗುದಿನ
ಕೆಂಪು ಮುಂಚಿ ಬೊಕ್ಕ ಆಯಿತ ಬೀಜೊಳು.
ನೆಯ್ತಿನಾರ್ : ಹೊಸಬೆಟ್ಟು ವಿಶ್ವನಾಥ, ಪುಣೆ
No comments:
Post a Comment