ಜ್ಯೂರಿಕ್ ನಗರದ ಅಂತರಾಷ್ಟ್ರೀಯ ನಿಲ್ದಾಣೊಡು ಎಂಕಲೆನ ವಿಮಾನ ಜಪ್ಪುನಗ ಮಧ್ಯಾಹ್ನ 12.30 ಗಂಟೆ. ಈ ದೇಶೊಡು ಚಳಿಗಾಲೊಡು ಮಧ್ಯಾಹ್ನ 12 ಗಂಟೆ ಆನಗ ನಂಮ ದೇಶೊಡು
ಬಯ್ಯಡ್ 4.30 ಗಂಟೆ ಆದುಪ್ಪುಂಡು. ಇನ್ನಗ 4.30 ಗಂಟೆದ ಕಾಲಮಾನ ವ್ಯತ್ಯಾಸ. ಅರೆ ಬೇಶೊಡು ಬತ್ತಂಡ 3.30 ಗಂಟೆದ ವ್ಯತ್ಯಾಸ.
 |
| ಬೆಲೆವ್ಯೂ ನಗರ ಭಾಗದ ರಸ್ತೇ ದಾಂಟು ವ್ಯವಸ್ತೆ , ಸ್ಯುರೀಶ್ |
 |
| ಸ್ಯುರೀಶ್ ಕೆದು |
 |
| ಬಸ್ , ಟ್ರಾಮು ಕಾಲ ಸೂಚಿ |
 |
| ಚ ಳಿಗಾಲದ ಕೆಂಪಾತಿನ ಇರೆಕು ಲು |
ಜ್ಯೂರಿಕ್ ಸ್ವಿಜರ್’ಲ್ಯಾಂಡು’ದ ಪ್ರಮುಖ ವಾಣಿಜ್ಯ ನಗರಿ. ಯೂರೋಪ್ ಖಂಡದ ಆಲ್ಪ್’ಸ್ ಪರ್ವತೊಲೆನ ನಡುಟು
ಉಪ್ಪುನ ಸ್ವಿಜರ್’ಲ್ಯಾಂಡ್ ಗೊತ್ತುಂಡತ್ತೆ? ನಂಮ
ದೇಶದ ಕಪ್ಪು ಕಾಸ್ದ ಮಲ್ಲ ಮಲ್ಲ ದೊರೆಕುಲು ಮಾತಾ
ದೆಂಗಾವುನ ಎಚ್ಚ ಕಾಸ್’ನ್ ಮುಲ್ಪ ಕಣತ್’ದ್ ದೇತಿನ ಸಂಗತಿ ಮಾತೆರೆಗ್ಲಾ ತೆರಿದಿನವೆ ಅತ್ತೇ?
ಜ್ಯೂರಿಕ್ದ ಮುಖ್ಯ
ಭಾಷೆ ಸ್ವಿಸ್ ಜರ್ಮನ್ . ಮೊಕುಲು ಇನ್ನಗ, ಈ ಊರುದ
ಸ್ವಿಸ್-ಜರ್ಮನ್ ಜನಕುಲು ಸ್ಯೂರಿಶ್ ಇಜಿಂಡ ಸ್ಯೂರಿಕ್ ಇನ್ಪಿನೆನ್ ಲಾ ನಮ ಕೇಣುವಾ.
ಇಂಗ್ಲೀಷ್ ಪಾತೆರುನಕುಲು ಇನ್ನಗ ಯುರೋಪ್ದ ಕೆಲವು
ಭಾಷೆಲೆಡ್ Z ಅಕ್ಷರೊನು
S ದ ಲೆಕ್ಕ ಅಂಚನೆ S ಅಕ್ಷರೊನು Z ದ ಲೆಕ್ಕ ಉಚ್ಚಾರ ಮಲ್ಪುವೆರ್. ಅಂಚನೆ J ಅಕ್ಷರೊನು Y ದ ಲೆಕ್ಕ , ಬೊಕ Y ಅಕ್ಷರೊನು
J ದ ಲೆಕ್ಕಲಾ ಉಚ್ಚಾರ ಮಲ್ಪುವೆರ್.
ಅಂತರಾಷ್ಟ್ರೀಯ ವಿಮಾನ
ನಿಲ್ದಾಣೊರ್ದು ನಿರ್ಗಮನ ದ್ವಾರೊದಡೆ ಬರಿಯರೆ ನಿಲ್ದಾಣದ ಉಲಾಯಿ ಸುಶೈಲಿದ ಮೆಟ್ರೊ ರೈಲು ಉಂಡು. ಅಯಿಟ್
ಬತ್ತ್’ದ್ ಪಾಸ್ಪೋರ್ಟ್ ಕಂಟ್ರೋಲುದ ಅಂಕಣೊಲೆಡ್ ಇರೆನ ಪಾಸ್’ಪೋರ್ಟುಡು ಉಳವಲಸೆದ ಅಂಕಿತ ಪಾಡಾವೊಂದು, ವಿಮಾನದ ಲಗೇಜಿ/ಕಾರ್ಗೊಡು
ಬತ್ತಿನ ಇರೆನ ಸಾಮಾನು ಸರಂಜಾಮುದ ಪೆಟ್ಟಿಗೆಲೆನ್ ಸಂಗ್ರಹ ಮಲ್ತೊಂದು ವಿಮಾನ ನಿಲ್ದಾಣದ ನಿರ್ಗಮನ
ದ್ವಾರೊರ್ದು ಪಿದಾಯಿ ಬರೋಲಿ.
ಪಿದಾಯಿ ಬನ್ನಗ ಚುಮು
ಚುಮು ಚಳಿ. ಇನಿತ ಪಗೆಲ್ ಸುಮಾರ್ 6 ಡಿಗ್ರಿ ಸೆಂಟಿಗ್ರೇಡ್ ಇಂದ್ ಗೂಗಲ್ ಆಪ್ ಪಣ್ಪುಂಡು. ಸ್ವೆಟ್ಟರ್
ಕೋಟು ಮಾತಾ ಪಾಡೊಂದು ಬೇಜರ್ಡ ದೇವೆರೆ ಗತಿ! ತಿಗಲೆ ಕುರವುನ ಚಳಿಟ್ ಕೊಟ್ಟಾಯಿ ಆವೊಡಾವು !
 |
| ಸ್ಯುರಿಶ್ ಕೆದು ಬರಿತ ನಡಪಿ ರಸ್ತೆ |
 |
| ಕೆದು ಬರಿತ ತೋಟ |
 |
| ಬೆಲೆವ್ಯೂ ಕೂಡು ರಸ್ತೆ |
 |
| ಟ್ರಾಮುದ ನೋಟ |
ವಿಮಾನ ನಿಲ್ದಾಣೊರ್ದು
ಊರುದ ಲಾಯಿ ಪೋವರೆ ಟಾಕ್ಸಿ, ಬಸ್, ಟ್ರಾಮು ಬೊಕ ರೈಲುದ ವ್ಯವಸ್ಥೆಲು ಉಂಡು. ಇರೆನ ಲಗೇಜಿ ಜಾಸ್ತಿ ಇತ್ತಂಡ, ಇಜಿಂಡ ಕಂಪೆನಿದ ಕರ್ಚಿಡ್ ಪೋಪಿನಾಂಡ
ಟಾಕ್ಸಿ ಆವು. ಇಜಿಂಡ ಟಿಕೆಟ್ ಮೆಶಿನ್ ಗ್ ಇರೆನ ಫೊರೆಕ್ಸ ಕಾರ್ಡ್ ಪಾಡ್ದ್ 6.80 ಸ್ವಿಸ್ ಪ್ರಾಂಕ್ದ (ಅಂದಾಜಿ 500 ರೂಪಾಯಿ) ಟಿಕೆಟ್ ಗೆತ್ತರ್ಡ, ಬಸ್, ಟ್ರಾಮು,
ರೈಲು- ಉಂದೆಟ್ ಇರೆನ ಆಯ್ಕೆದ ಒಯಿಟ್ ಬೊಡಾಂಡಲಾ ಪೋವೊಲಿ!
(ಟಾಕ್ಸಿಡ್ ಪೋಯರ್ಡ 7 ಕಿಲೊಮೀಟರ್ ದೂರೊಗು ಸುಮಾರ್ 25 ಸ್ವಿಸ್ ಫ್ರಾಂಕ್ ಬೋಡಾಪುಂಡು.
 |
| ಟ್ರಾಮುದ ಉಲಾಯಿ |
 |
| ಟಿಕೇಟಿ ಮೆಶಿನ್ |
 |
| ಊರಿಲಿಕಾನ್ ರೈಲ್ ನಿಲ್ದಾಣ |
 |
| ಊರಿಲಿಕಾನ್ ರಸ್ತೆ |
ಒಂಜಿ ಸ್ವಿಸ್ ಫ್ರಾಂಕ್
ಇನ್ನಗ ಸುಮಾರ್ 72 ರೂಪಾಯಿ ಇಂದ್ ಪತ್ತುಲೆ. ಸ್ವಿಸ್ ಫ್ರಾಂಕುನು CHF ಇನ್ಪಿನ ಸಂಕೇತೊಡು ಬರೆಪೆರ್.ಸುತ್ತದ
ಯುರೋಪುಡು ಯೂರೊ ಕಾಸ್ ಚಾಲನೆಡ್ ಇತ್ತಂಡಲಾ ಸ್ವಿಜರ್’ಲ್ಯಾಂಡದಕುಲು ಸ್ವಿಸ್ ಫ್ರಾಂಕುನು ಒರಿಪಾವೊಂದೆರ್.
ಸ್ವಿಸ್ ಫ್ರಾಂಕುಡು ಬರೆಪಿನ CH ಅಕ್ಷರೊಲು ಸ್ವಿಜರ್’ಲ್ಯಾಂಡುದ ಅಧೀಕೃತ ಪುದರು ಕಾನ್ಫಿಡರಾಶಿಯೊ
ಹೆಲ್ವೆಟಿಕಾ Confideratio Helvetica ದ ಅಂಕೇತೊಲು. ಹೆಲ್ವೆಟಿಕಾ ಇನ್ಪಿನವು ಸ್ವಿಜರ್ಲ್ಯಾಂಡುದ ಪ್ರಾಚೀನ ಪುದರು,
ಲ್ಯಾಟೀನ್ ಭಾಷೆದ ಪುದರು. ಅಂಚನೆ CH ಇನ್ಪಿನವು ಸ್ವಿಜರ್’ಲ್ಯಾಂಡ್ದ
ಅಂಚೆ ಅಂಕೇತಲಾ (Postal code)
ಆದುಂಡು.
... ..
